રિપોર્ટ : ચિરાગ પાંડેય
ગુજરાત પોસ્ટલ સર્કલ દ્વારા તા.20.09.2022 ના રોજ પંડિત દીનદયાળ ઉપાધ્યાય નગરગૃહ, આજવા રોડ, વડોદરા ખાતે ભારત સરકારના માનનીય સંચાર રાજ્ય મંત્રી શ્રી દેવુસિંહ ચૌહાણ અને માનનીય સાંસદ વડોદરા, શ્રીમતી રંજનબેન ભટ્ટની હાજરીમાં એક કાર્યક્રમનું આયોજન કરવામાં આવ્યું હતું.,
વડોદરા પૂર્વ અને પશ્ચિમ વિભાગ (વડોદરા, છોટા ઉદેપુર જિલ્લો અને નર્મદા જિલ્લાનો તિલકવાડા તાલુકો) માંથી લગભગ 700 GDS/BPM અને બંને વિભાગો અને દક્ષિણ ગુજરાત પ્રદેશના અન્ય કર્મચારીઓએ કાર્યક્રમમાં ભાગ લીધો હતો. એક અભિયાન “મારો પરિવાર, સમૃદ્ધ પરિવાર ” માનનીય સંચાર રાજ્ય મંત્રી દ્વારા શરૂ કરવામાં આવ્યું છે. આ અભિયાનનો ઉદ્દેશ પોસ્ટ વિભાગની વિવિધ યોજનાઓ હેઠળ દરેક વર્ગના પરિવારોને મહત્તમ કવરેજ આપવાનો છે. ઉલ્લેખનીય છે કે પોસ્ટ વિભાગ નવજાત છોકરી/છોકરાથી લઈને વૃદ્ધ દાદા-દાદી સુધીના દરેક પરિવારના દરેક વર્ગના સભ્યો માટે વિવિધ રોકાણ યોજનાઓ પ્રદાન કરે છે. (i) દીકરી માટે સુકન્યા સમૃદ્ધિ યોજના, (ii) છોકરા/પુખ્ત વયના લોકો માટે જાહેર ભવિષ્ય નિધિ, (iii) સારી કમાણીવાળા રોકાણ માટે રિકરિંગ ડિપોઝિટ/ફિક્સ્ડ ડિપોઝિટ/કિસાન વિકાસ પત્ર, (iv) કર બચત માટે રાષ્ટ્રીય બચત પ્રમાણપત્ર, (v) ) સૌથી વધુ વ્યાજ દર સાથે વરિષ્ઠ નાગરિક બચત યોજના, (vi) લઘુત્તમ પ્રીમિયમ સાથે પોસ્ટલ લાઇફ ઇન્સ્યોરન્સ અને ગ્રામીણ પોસ્ટલ લાઇફ ઇન્સ્યોરન્સ, (vii) ડિજિટલ બેંકિંગ અને ગ્રામીણ વિસ્તારોના નાણાકીય સમાવેશ માટે ઇન્ડિયા પોસ્ટ પેમેન્ટ્સ બેંક, જે અકસ્માત વીમો પણ પ્રદાન કરે છે. માત્ર રૂ. 399માં રૂ. દસ લાખ વીમા કવર, (viii) માનનીય વડાપ્રધાન દ્વારા શરૂ કરાયેલ સામાજિક સુરક્ષા યોજનાઓ જેમ કે, પ્રધાનમંત્રી સુરક્ષા વીમા યોજના (ix) નિવૃત્તિ પછી ભવિષ્યને સુરક્ષિત કરવા માટે અટલ પેન્શન યોજના વગેરે. આ અભિયાન હેઠળ ગુજરાત પોસ્ટલ સર્કલ દ્વારા તમામ પ્રયાસો સુનિશ્ચિત કરીને પરિવારના દરેક સભ્યને સંબંધિત યોજનાઓ હેઠળ આવરી લેવામાં આવશે. આ અભિયાન પરિવારોને સમૃદ્ધિ તરફ એક ડગલું આગળ લઈ જશે.
આ કાર્યક્રમમાં SSA/PPF/PMSBY ના ખાતાધારકોને પાસબુક, વરિષ્ઠ નાગરિક કલ્યાણ ભંડોળના લાભાર્થીને ચેક, GAGI (આકસ્મિક વીમા) અને APYના ગ્રાહકોને એક્નોલેજમેન્ટ કાર્ડ “મારો પરિવાર, સમૃદ્ધ પરિવાર “ઝુંબેશની સારી શરૂઆતના સુકન સ્વરૂપે વિતરિત કરવામાં આવ્યા હતા. આ ઉપરાંત, નવનિર્મિત “ભિલોડા બજાર પોસ્ટ ઓફિસ” (ઉત્તર ગુજરાત પ્રદેશ હેઠળના સાબરકાંઠા વિભાગ) નું વર્ચ્યુઅલ ઉદ્ઘાટન માનનીય સંચાર રાજ્ય મંત્રી દ્વારા કરવામાં આવ્યું હતું.
ઉલ્લેખનીય છે કે મે-2022 માં માનનીય સંચાર રાજ્ય મંત્રી દ્વારા “મારી દીકરી સમૃદ્ધ દીકરી” અભિયાનની શરૂઆત કરવામાં આવી હતી, જેને ગુજરાતના લોકો તેમજ ટપાલ કર્મચારીઓનો અભૂતપૂર્વ પ્રતિસાદ મળ્યો હતો. ગુજરાત પોસ્ટલ સર્કલે આ સમયગાળા દરમિયાન સુકન્યા સમૃદ્ધિ યોજના હેઠળ મહત્તમ કવરેજ સુનિશ્ચિત કર્યું છે અને અત્યાર સુધીમાં 3,01,915 SSA ખાતા ખોલ્યા છે. સદર અભિયાનમાં ઉત્કૃષ્ટ કામગીરી કરનાર ડીવીઝન, સબ ડીવીઝન, સબ પોસ્ટમાસ્તરો અને બ્રાંચ પોસ્ટમાસ્તરોને સર્કલ કક્ષાના પુરસ્કારો આપવામાં આવ્યા હતા. વડોદરાના બંને ડીવીઝન (ઇસ્ટ અને વેસ્ટ) ને આ અભિયાનમાં વડોદરાના માનનીય સંસદસભ્ય શ્રીમતી રંજનાબેન ભટ્ટનો ઘણો સહયોગ મળ્યો છે. તેમણે 15000 થી વધુ દીકરીઓ માટે SSY ખાતા ખોલવા માટે ઉદાર સમર્થન આપ્યું છે.
આ કાર્યક્રમમાં શ્રીમતી સુચિતા જોષી, પોસ્ટ માસ્ટર જનરલ ઉત્તર ગુજરાત પ્રદેશ, શ્રીમતી પ્રીતી અગ્રવાલ, પોસ્ટ માસ્ટર જનરલ દક્ષિણ ગુજરાત પ્રદેશ, ડૉ. એસ. શિવરામ, ડાયરેક્ટર પોસ્ટલ સર્વિસીસ, દક્ષિણ ગુજરાત પ્રદેશ અને પોસ્ટ વિભાગના અન્ય અધિકારીઓ ઉપસ્થિત રહ્યા હતા.