ગાંગલાસણમાં સમરસતાનો રંગ: ભાજપના ઉપક્રમે ગુરુ રવિદાસ જન્મજયંતીની ભવ્ય કળશ યાત્રા સંપન્ન
સંત શિરોમણી ગુરુ રવિદાસ મહારાજની 650મી જન્મજયંતી: ગાંગલાસણમાં કળશ યાત્રા સાથે સમરસતાનો સંકલ્પ
‘સમરસતા સંકલ્પ અભિયાન’: ભક્તિ અને એકતાના રંગે રંગાયું ગાંગલાસણ, ધારાસભ્ય બલવંતસિંહ રાજપૂતે કર્યું સંબોધન
સંત શિરોમણી શ્રી ગુરુ રવિદાસ મહારાજની 650મી જન્મજયંતીની ઉજવણી નિમિત્તે ભારતીય જનતા પાર્ટી દ્વારા સમગ્ર ગુજરાતમાં આયોજિત ‘સમરસતા સંકલ્પ અભિયાન’ અંતર્ગત ગાંધીનગર જિલ્લાના ગાંગલાસણ ગામે ભવ્ય કળશ યાત્રા અને જાહેર કાર્યક્રમનું આયોજન કરવામાં આવ્યું હતું.શ્રદ્ધા, ભક્તિ અને ઉત્સાહભેર યોજાયેલી આ કળશ યાત્રામાં મોટી સંખ્યામાં સમાજના આગેવાનો અને ધર્મપ્રેમી જનતા જોડાયા હતા. ઢોલ-નગારા અને ભજનના ગુંજન સાથે નીકળેલી યાત્રાએ સમગ્ર ગામને ભક્તિમય વાતાવરણથી ગુંજવંત કર્યું હતું.કાર્યક્રમમાં ઉપસ્થિત ધારાસભ્યશ્રી બલવંતસિંહ રાજપૂત સાહેબે સંત શ્રી ગુરુ રવિદાસ મહારાજના જીવન અને કાર્યને યાદ કરતા કહ્યું કે, “ગુરુ રવિદાસ મહારાજે સમાજને સમરસતા, સમાનતા અને માનવસેવાનો અમૂલ્ય સંદેશ આપ્યો છે. તેમના આદર્શોને જીવનમાં ઉતારીને જ આપણે એક સમાન અને સમૃદ્ધ સમાજનું નિર્માણ કરી શકીએ છીએ.” તેમણે સમાજમાં એકતા, ભાઈચારો અને સમરસતાની ભાવના વધુ મજબૂત બનાવવાનો સંકલ્પ વ્યક્ત કર્યો હતો.સમગ્ર કાર્યક્રમ ભક્તિમય અને પ્રેરણાદાયી વાતાવરણમાં સંપન્ન થયો હતો. કાર્યક્રમના અંતે સૌએ ગુરુ રવિદાસ મહારાજના આદર્શોને અનુસરવાનો સંકલ્પ લીધો હતો.
આ પવિત્ર પ્રસંગે શ્રી મુકેશભાઈ ચૌધરી, શ્રી વિષ્ણુભાઈ પટેલ, શ્રી જગદીશભાઈ પટેલ, શ્રી વિક્રમસિંહ ઠાકોર, શ્રી અભુજી ઠાકોર, ગામના સરપંચશ્રી રોહિતભાઈ, શ્રી મુકેશભાઈ પટેલ, શ્રી દિનેશભાઈ, શ્રી નરેશભાઈ, શ્રી મનોજભાઈ, શ્રી રાજુભાઈ, શ્રી પ્રશાંતભાઈ, શ્રી રાકેશભાઈ પટેલ, શ્રી પ્રકાશભાઈ વાઘેલા સહિત ભાજપના સંગઠનના હોદ્દેદારો, સમાજના આગેવાનો અને મોટી સંખ્યામાં કાર્યકર્તાશ્રીઓ અને ધર્મપ્રેમી જનતા ઉપસ્થિત રહ્યા હતા.સમગ્ર કાર્યક્રમના આયોજન બદલ આયોજકો અને કાર્યકર્તાઓને સૌએ અભિનંદન પાઠવ્યા હતા.
