INS મૈસૂર ‘સમુદ્ર લક્ષ્મણ’ કવાયતની ચોથી આવૃત્તિ માટે મલેશિયાના લુમુત ખાતે પહોંચ્યું
ભારતીય નૌકાદળના ઓપરેશનલ ડિપ્લોયમેન્ટના ભાગરૂપે, INS મૈસૂર ભારતીય નૌકાદળ અને રોયલ મલેશિયન નૌકાદળ વચ્ચેની દ્વિપક્ષીય દરિયાઈ કવાયત ‘સમુદ્ર લક્ષ્મણ’ ની ચોથી આવૃત્તિમાં ભાગ લેવા માટે 09 સપ્ટેમબર 2026ના રોજ મલેશિયાના લુમુત ખાતે પહોંચ્યું હતું. રોયલ મલેશિયન નૌકાદળના કર્મચારીઓ અને મલેશિયામાં ભારતીય હાઇકમિશનના અધિકારીઓ દ્વારા જહાજ અને તેના કર્મચારીઓનું ઉષ્માભર્યું સ્વાગત કરવામાં આવ્યું હતું.
કવાયત સમુદ્ર લક્ષ્મણમાં બંદર પર અને દરિયામાં વ્યાવસાયિક જોડાણોનો સમાવેશ થાય છે, જેમાં ક્રોસ-ડેક મુલાકાતો, ઓપરેશનલ ક્રિયાપ્રતિક્રિયાઓ અને રમતગમતની પ્રવૃત્તિઓ શામેલ છે. આ પ્રવૃત્તિઓ બંને નૌકાદળના કર્મચારીઓને વ્યાવસાયિક અનુભવોનું આદાન-પ્રદાન કરવા, પરસ્પર કાર્યક્ષમતા વધારવા અને વધુ પરસ્પર સમજૂતી કેળવવા માટે તકો પૂરી પાડશે.
01 જુલાઈ 2026ના રોજ યોજાયેલી 12મી ઇન્ડિયા – મલેશિયા સબ કમિટી મીટિંગ સહિત તાજેતરના દ્વિપક્ષીય જોડાણો દ્વારા સર્જાયેલા વેગને આગળ ધપાવતા, આ મુલાકાત ભારત અને મલેશિયા વચ્ચેના મજબૂત અને કાયમી દરિયાઈ જોડાણને રેખાંકિત કરે છે અને બંને નૌકાદળ વચ્ચે સહયોગના વિસ્તરતા ક્ષેત્રને પ્રતિબિંબિત કરે છે. આ મુલાકાત દરિયાઈ સહયોગને આગળ વધારવા અને બંને દેશો વચ્ચે વ્યાવસાયિક આદાન-પ્રદાનને મજબૂત કરવા તરફનું બીજું મહત્વપૂર્ણ પગલું છે. આ સહભાગિતા ભારત સરકારના ‘મહાસાગર’ વિઝન અને ASEAN–ભારત દરિયાઈ સહકાર વર્ષ 2026 સાથે સુસંગત છે.
