સન્માનિત સમાજના વંચિત વર્ગોના ઉત્થાનના પ્રયાસોમાં યોગદાન આપવા માટે આહ્વાન કર્યું:સકારાત્મક પ્રયાસો અને ઉત્તમ કાર્યોની કદર કરવી એ સમાજની જવાબદારી છેઃરાજ્યપાલ શ્રી મંગુભાઇ પટેલ

બ્રિટિશ પાર્લામેન્ટ ખાતે મધ્યપ્રદેશના મહામહિમ રાજયપાલ શ્રી મંગુભાઈ પટેલનું વર્લ્ડ બુક ઓફ રેકોર્ડ દ્વારા સન્માન

મધ્યપ્રદેશના ગવર્નર શ્રી મંગુભાઈ પટેલનું લંડનમાં ઈન્ટરનેશનલ એક્સેલન્સ એવોર્ડથી સન્માન

નવસારીઃ શનિવારઃ ગુજરાત રાજયના પૂર્વ મંત્રી અને મધ્યપ્રદેશના મહામહિમ રાજયપાલ શ્રી મંગુભાઇ પટેલને લંડન ખાતે ઈન્ટરનેશનલ એક્સેલન્સ એવોર્ડથી સન્માનિત કરવામાં આવ્યા હતા. આ અવસરે રાજ્યપાલ શ્રી મંગુભાઈ પટેલે જણાવ્યું છે કે ઉત્તમ અને અસાધારણ કાર્યની પ્રશંસા એ માનવતાના વિકાસનો આધાર છે. માનવ જીવનની સુધારણા માટેના સકારાત્મક પ્રયાસો અને ઉત્તમ કાર્યોની કદર કરવી એ સમાજની જવાબદારી છે. તેમણે કહ્યું કે વર્લ્ડ બુક ઓફ રેકોર્ડ્સ દ્વારા શ્રેષ્ઠતાને સન્માનિત કરવાની પહેલ માનવજાતના ભલા માટે શાંતિ અને સંવાદિતા માટેના પ્રયત્નોને મજબૂત કરવાનો પ્રશંસનીય પ્રયાસ છે. રાજ્યપાલ શ્રી મંગુભાઈ પટેલે જણાવ્યું હતું કે શ્રેષ્ઠતા માટે કોઈ પ્રમાણપત્રની જરૂર હોતી નથી, કારણ કે કોઈપણ ક્ષેત્રમાં ઉત્કૃષ્ટ કાર્ય એ મહાન પ્રયત્નો અને કાર્યક્ષમતાનું પરિણામ છે, પરંતુ વ્યવહારિક જગતમાં શ્રેષ્ઠતા વધારવા માટે રેકોર્ડ બનાવનાર પ્રતિભાશાળી લોકોનું સન્માન કરવું જરૂરી છે. ઉત્કૃષ્ટ કાર્યોનું સન્માન કરવાથી યુવાનો અને અન્ય લોકોને વિજેતાઓના ઉત્કૃષ્ટ કાર્યોનું અનુકરણ કરવાની પ્રેરણા મળે છે. તેમને નવા રેકોર્ડ બનાવવા માટે પ્રોત્સાહિત કરે છે. તેમણે કહ્યું કે જીવનના વિવિધ ક્ષેત્રોમાં કામ કરતી વ્યક્તિઓના અસાધારણ કાર્યને ઓળખવાનો આ એક પ્રશંસનીય પ્રયાસ છે. વર્લ્ડ બુક ઓફ રેકોર્ડ્સના અધિકારીઓને વિશ્વભરમાં ઉત્કૃષ્ટ કાર્યોની ઓળખ અને દસ્તાવેજીકરણ માટેના સઘન પ્રયાસો માટે અભિનંદન આપ્યા હતા. શ્રી પટેલે આદરણીય વ્યક્તિઓને અભિનંદન આપતા કહ્યું કે તેઓ ગરીબ અને વંચિત વર્ગના કલ્યાણ માટે વધુ સારા પ્રયાસો કરતા રહેશે.સમારોહમાં રાજ્યપાલ શ્રી પટેલને ઈન્ટરનેશનલ એક્સેલન્સ એવોર્ડથી સન્માનિત કરવામાં આવ્યા હતા.આ પ્રસંગે સામાજિક, શૈક્ષણિક, પર્યાવરણીય, મહિલા સશક્તિકરણ, આધ્યાત્મિક, પુરાતત્વીય, ઐતિહાસિક, સંશોધન અને વિકાસ અને સાંસ્કૃતિક પ્રવૃતિઓમાં અજોડ યોગદાન આપનાર 20 પ્રતિષ્ઠિત વ્યક્તિઓનું સન્માન કરવામાં આવ્યું હતું. આ સમારોહમાં રાજ્યપાલ શ્રી મંગુભાઈ પટેલના પત્ની શ્રીમતી નર્મદાબેન પટેલ અને કેન્દ્રિય સામાજિક ન્યાય અને અધિકારીતા મંત્રી શ્રી રામદાસ આઠવલે પણ ઉપસ્થિત રહ્યા હતા.
કાર્યક્રમમાં સંસદ સભ્ય યુ.કે. શ્રી વિરેન્દ્ર શર્મા, આધ્યાત્મિક નેતા શ્રી રાજ રાજેશ્વર ગુરુજી, મનોવૈજ્ઞાનિક ડૉ. દિવાકર સુકુલ, શ્રી અનુરુધ જી, લંડનના ડેપ્યુટી મેયર શ્રી રાકેશ અગ્રવાલ, વર્લ્ડ બુક ઓફ રેકોર્ડના પ્રમુખ શ્રી સંતોષ શુક્લા, એવોર્ડ વિજેતાઓ અને સન્માનિત લોકો ઉપસ્થિત રહ્યા હતા.