માનનીય કેબિનેટ મંત્રીશ્રી બલવંતસિંહ રાજપુત ગુજરાત અને મલેશિયા વચ્ચેના આર્થિક અને સાંસ્કૃતિક જોડાણની શોધ કરવા અને વાઈબ્રન્ટ ગુજરાત-૨૦૨૪ માટે પ્રતિનિધિઓને આમંત્રિત કરવા માટે મલેશિયાની ૩ દિવસની મુલાકાતે છે.
આજે માનનીય મંત્રીશ્રી બલવંતસિંહ રાજપુતે ગુજરાત અને મલેશિયા વચ્ચે પામ ઓઈલ ક્ષેત્રે વિવિધ તકો શોધવા પામ ઓઈલ પ્લાન્ટેશન અને રિફાઈનિંગની વિવિધ કંપનીઓના વરિષ્ઠ પ્રતિનિધિઓને મળ્યા હતા. આત્મનિર્ભર ભારતની કલ્પનાને સાકાર કરવાના ઉદ્દેશ્ય સાથે તેમણે ગુજરાતમાં પામ પ્લાન્ટેશન, આર. એન્ડ ડી. વિગેરે માટેની વિવિધ તકોની ચર્ચા કરી.
માનનીય મંત્રીશ્રી બલવંતસિંહ રાજપુત એચ.ઇ. લિવ ચિન ટોંગ, મલેશિયા સરકારના રોકાણ, વેપાર અને ઉદ્યોગના માનનીય નાયબ મંત્રીશ્રીને મળ્યાં. તેઓએ ઉત્પાદન, કૌશલ્ય વિકાસ, ગિફ્ટ સિટીમાં તકો, શિક્ષણ અને કૌશલ્ય વિકાસ વગેરે સહિત બંને પ્રદેશો વચ્ચે સહયોગની વિવિધ તકો વિશે વ્યાપક ચર્ચા કરી હતી. માનનીય મંત્રીશ્રીએ મલેશિયાના ઉપમંત્રીશ્રીને જાન્યુઆરી-૨૦૨૪ માં ૧૦ મી વાઈબ્રન્ટ ગુજરાત સમિટ માટે આમંત્રિત કર્યાં.
માનનીય મંત્રીશ્રી બલવંતસિંહ રાજપૂત પણ એચ.ઇ. દ્વારા આયોજિત રાત્રિભોજનમાં હાજરી આપશે. માનનીય વિદેશ રાજ્યમંત્રી શ્રી રાજ રંજન સિંહની હાજરીમાં ઈન્ડિયા હાઉસ ખાતે કુઆલાલંપુરમાં ભારતના હાઈ કમિશનર ઉપસ્થિત રહેશે. ડિનર માટે મલેશિયાના બિઝનેસ ચેમ્બરના કેટલાક વડાઓ, ઉદ્યોગના પ્રતિનિધિઓ પણ હાજર રહેશે.
