રિપોર્ટ ડાંગ અમરનાથ જગતાપ
આહવા: તા: ૮ : ડાંગ જિલ્લામા ૧૮ થી ૬૦ વર્ષની વયજુથના નાગરિકોને કોવિડ-૧૯ના પ્રિકોસન ડોઝ આપવા બાબતે, જિલ્લામા સેવા આપતા ખાનગી તબીબો, હોસ્પિટલોને ‘ખાનગી વેકિસનેસન સેન્ટર’ શરૂ કરવા માટે પ્રોત્સાહિત કરવા, જિલ્લા વિકાસ અધિકારીશ્રી ડો. વિપીન ગર્ગ એ, આરોગ્ય વિભાગને અનુરોધ કર્યો છે.
ડીસ્ટ્રીકટ ટાસ્ક ફોર્સ ઈમ્યુનાઈઝેશન કોવિડ-૧૯ અંગેની એક બેઠકને સંબોધતા, જિલ્લા વિકાસ અધિકારીશ્રીએ જિલ્લામા ચાલી રહેલી રસિકરણની કામગીરીની સમીક્ષા કરી, ગ્રામીણ આરોગ્ય કર્મચારીઓ, સુપરવાઈઝરોની સેવા સઘન બનાવી, નિયત લક્ષ સિદ્ધિ સાથે ટેકોની બાકી રહેલી કામગીરી સત્વરે પૂર્ણ કરવાની તાકિદ કરી હતી.
બેઠકમા જિલ્લાના અધિક જિલ્લા આરોગ્ય અધિકારીશ્રી ડો. હિમાંશુ ગામીત, RCHO શ્રી ડો. સંજય શાહ વિગેરેએ આરોગ્ય વિભાગની કામગીરીથી સમિતિ સભ્યોને વાકેફ કરાવ્યા હતા. ડાંગ જિલ્લા પંચાયતના સમિતિ ખંડમા યોજયેલી આ બેઠકમા આરોગ્ય વિભાગના ઉચ્ચાધિકારીઓ ઉપરાંત સંબંધિત સમિતિ સભ્યો, અને જિલ્લાના ખાનગી તબીબોએ ઉપસ્થિત રહી, ચર્ચામા ભાગ લીધો હતો.
ઉલ્લેખનિય છે કે, ડાંગ જિલ્લામા આજદિન સુધી કોવિડ-૧૯ના કુલ – ૧૦૬૯ કેસો સામે આવ્યા છે. જે પૈકી ૨૮ વ્યક્તિઓનુ કોવિડ-૧૯ ને કારણે દુ:ખદ અવસાન થવા પામ્યુ છે. આ ઉપરાંત જિલ્લામા અત્યાર સુધી મ્યુકોરમાઈકોસિસનો એક કેસ નોંધાયો હતો, કમનસીબે તે દર્દીનુ પણ આ અગાઉ મૃત્યુ નિપજ્યુ હતુ.
રસિકરણની વિગતો જોઈએ તો તા. ૬ ઠ્ઠી જુલાઈ-૨૦૨૨ સુધી જિલ્લામા લક્ષિત ૧,૯૧,૧૪૬ લાભાર્થીઓ સામે ૧,૬૯,૪૯૬ વ્યક્તિઓનુ કોવિડ-૧૯ રસિકરણ કરાતા ૮૮.૬૭ ટકા કામગીરી પૂર્ણ કરવામા આવી છે. હેલ્થ કેર વર્કરના ૨૪૯૭ ના લ્ક્ષ્યાંક સામે, ૨૧૭૭ (૮૭.૧૮ ટકા), ફ્ર્ન્ટલાઈન વર્કરના ૫૫૨૨ ના
લ્ક્ષ્યાંક સામે ૫૦૧૩ (૯૦.૭૮ ટકા), ૪૫ થી ૬૦ વર્ષની આયુ ધરાવતા, ૬૦,૭૧૭ ના લક્ષ્યાંક સામે ૫૭,૩૨૭ (૯૪.૪૨ ટકા), ૧૮ થી ૪૪ વય જુથના ૧,૨૨,૪૧૦ ના લક્ષ્યાંક સામે ૧,૦૪,૯૭૯ (૮૫.૭૬ ટકા), ૧૫ થી ૧૮ વર્ષના બાળકોના ૧૭,૪૩૯ ના લક્ષ સામે ૧૬,૨૧૧ (૯૨.૯૬ ટકા) કામગીરી પૂર્ણ કરવામાં આવી છે.
