સાંસદ શ્રી મિતેષભાઈ પટેલની પ્રેરક ઉપસ્થિતિ
રિપોર્ટ : બીના પટેલ
*આણંદ, મંગળવાર ,ભારત દેશ આ વર્ષે G-20 સમિટ ની યજમાની કરી રહ્યુ છે, તેમજ ગુજરાતમાં G-20 સમિટની મહત્વની ૧૬ ઈવેન્ટ થવા જઈ રહી છે. ત્યારે સમગ્ર રાજ્યની મહાનગરપાલિકાઓ તથા નગરપાલિકાઓ વિસ્તારમાં વસવાટ કરતા નગરજનો પ્રત્યક્ષ યા પરોક્ષ રીતે આ કાર્યક્રમોમાં સામેલ થાય તથા વધુમાં વધુ જન ભાગીદારી કેળવાય તેવા શુભ આશયથી શહેરી વિકાસ અને શહેરી ગૃહ નિર્માણ વિભાગ દ્વારા G-20 સમિટ વર્ષ-૨૦૨૩ના સમગ્ર વર્ષ દરમિયાન વિવિધ કાર્યક્રમોનું આયોજન કરવામાં આવ્યું છે. જે અન્વયે આણંદ નગરપાલિકા દ્વારા G-20 સિટિવોક (મેરેથોન) યોજાઈ હતી.
આણંદ ટાઉનહોલથી શાસ્ત્રી મેદાન સુધી યોજાયેલ આ સિટી વોકમાં સાંસદ શ્રી મિતેષભાઈ પટેલ, જિલ્લા કલેક્ટરશ્રી ડી.એસ.ગઢવી, આણંદ નગરપાલિકા પ્રમુખશ્રી રૂપલબેન પટેલ, આણંદ નગરપાલિકાના ચીફ ઓફિસરશ્રી આર.એસ.ગરવાલ, આણંદ નગરપાલિકાના પદાધિકારી/અધિકારીઓ, નગરસેવકો તેમજ નગરજનો સહિત મોટી સંખ્યામાં શાળાના વિદ્યાર્થીઓ જોડાયા હોવાનું આણંદ નગરપાલિકાના ચીફ ઓફિસરશ્રીની એક યાદીમાં જણાવાયું છે.
