પ્રધાનમંત્રી શ્રી નરેન્દ્ર મોદીએ બર્લિનમાં વિશ્વ તીરંદાજી ચેમ્પિયનશિપમાં ભારતને પ્રથમ વખત સુવર્ણ ચંદ્રક જીતવા બદલ ભારતીય મહિલા કમ્પાઉન્ડ ટીમને અભિનંદન પાઠવ્યા છે.એક ટ્વીટમાં, પ્રધાનમંત્રીએ કહ્યું;“ભારત માટે ગર્વની ક્ષણ કારણ કે આપણી અસાધારણ કમ્પાઉન્ડ મહિલા ટીમ બર્લિનમાં આયોજિત વિશ્વ તીરંદાજી ચેમ્પિયનશિપમાં ભારતને પ્રથમવાર સુવર્ણ ચંદ્રક લાવી છે. આપણા ચેમ્પિયનને અભિનંદન! તેમની સખત મહેનત અને સમર્પણ આ ઉત્કૃષ્ટ પરિણામ તરફ દોરી ગયું છે.”
