ડાંગના નેહરુ યુવા કેન્દ્ર દ્વારા તાજેતરમા ભવાનદગડ ગામે એક રમત સ્પર્ધાનુ આયોજન કરાયુ હતુ. ક્ષત્રિય યુવક મંડળ, ભવાનદગદના સહયોગથી ભવાનદગદ ગામ, આહવા બ્લોક, સહિત સમગ્ર ડાંગની જિલ્લા કક્ષાની આ રમતગમત સ્પર્ધાનુ ઉદ્ઘાટન ધારાસભ્ય શ્રી વિજયભાઈ પટેલના હસ્તે કરાયુ હતુ. આ વેળા ધારાસભ્યશ્રી દ્વારા યુવાનોમા નેતૃત્વના ગુણોના વિકાસ સાથે, ટીમ વર્કની ભાવના, અને શારીરિક તથા માનસિક તંદુરસ્તી વિકસાવવા માટે, રોજિંદા જીવનમા રમતગમતના મહત્વ વિશે યુવાનોને માર્ગદર્શન આપવામા આવ્યુ હતુ. આ સ્પર્ધામા વોલીબોલ, ટગ ઓફ વોર, લાંબી કૂદ, બેડમિન્ટન, અને ૧૦૦ મીટર દોડ જેવી સ્પર્ધાઓનુ આયોજન કરવામા આવ્યુ હતુ. જેમા ડાંગ જિલ્લાના ત્રણેય બ્લોકના યુવાનોએ ઉત્સાહભેર ભાગ લીધો હતો.
