ડાંગ જિલ્લામાં પેટા ચૂંટણી માં ભાજપે 60 હજાર ની લીડ લીધા બાદ પણ વિધાનસભા ની ચૂંટણી માં ભાજપા ડાંગનાં ઉમેદવાર વિજયભાઈ પટેલ નાં ચૂંટણી પ્રચાર માટે કેન્દ્રીય કૃષિ મંત્રીશ્રી પુરુષોત્તમ રૂપાલા એ આહવા નાં રંગ ઉપવન ખાતે પ્રચંડ જનમેદની ને સંબોધી કોંગ્રેસ પર આકરા પ્રહારો કર્યા હતા
રિપોર્ટ ડાંગ અમરનાથ જગતાપ
ડાંગ જિલ્લા 173 વિધાનસભા ચૂંટણી માં ભાજપે સ્ટાર પ્રચારકો ટીમ ઉતારી દેતા રાજકીય માહોલ ગરમાયો છે, ગુરુવારે ડાંગ જિલ્લા નાં વઘઇ અને સુબીર તાલુકામાં પૂર્વ કેબિનેટ મંત્રીશ્રી ગણપતસિંહ વસાવા એ ઝંઝાવાતી સભાઓ સાથે કેટલાક દિગ્ગજ કોંગ્રેસીઓને જોડી ચૂંટણી પહેલા જ કોંગ્રેસ છાવણીમાં સન્નાટો વ્યાપી જવા પામ્યો હતો. વલસાડ ડાંગ સાંસદ ડો. કે. સી. પટેલએતેમના કાર્યકાળ ડાંગ જિલ્લા માં મોબાઈલ ટાવરો કાર્યરત કર્યા હોવાની જૂની કેસેટ વગાડી હતી. કેન્દ્રીય કૃષિ મંત્રીશ્રી પુરષોતમ રૂપાલાએ દેશના વડાપ્રધાનની દીર્ઘદ્રષ્ટિ થી ડાંગ જિલ્લા ને પ્રાકૃતિક જિલ્લો જાહેર કરી દેશના ઉંચા સ્તરે ડાંગ જિલ્લા ને મુકવા સરાહનીય કામગીરી કરી છે. તેમણે કોંગ્રેસ પર આકરા પ્રહારો કરતા જણાવ્યું હતું, કે સમગ્ર રાજ્યમાં કોંગ્રેસ મુક્ત કર્યા બાદ 27 વર્ષ થી ભાજપા ની સરકાર છે, ત્યારે હવે લોકોને ગુમરાહ કરવા ભાજપે કરેલા વિકાસ નાં ફોટા બતાવી કોંગ્રેસ નું કામ બોલે છે તેવા દૂસપ્રચાર કરી છેતરવા નીકળી પડ્યા છે. તેમણે કોંગ્રેસ કે બીજા કોઈ પક્ષ ની લોભામણી જાહેરાતોથી છેતરાયા વગર રાજ્યની ડબલ એન્જીન ની સરકારનાં વિજયભાઈ પટેલ ને જંગી મતો થી વિજય બનાવવા અનુરોધ કર્યો હતો.શુક્રવારે કેન્દ્રીય કૃષિ મંત્રી સહીત સાંસદો ભાજપા નાં ઉમેદવાર માટે સ્ટાર પ્રચાર તરીકે આવ્યા હતા.શુક્રવારે આહવા નાં રંગ ઉપવન ખાતે વિશાળ સભા ને સંભોધતા મહારાષ્ટ્ર રાજ્ય નાં નંદુરબાર નાં સાંસદ હીનાબેન ગાંવિતે ડાંગ ની ઘટાદાર હરિયાળા જંગલો ની પ્રશંસા કરી હતી. તેમણે ડાંગ જિલ્લા નાં આદિવાસી લોકોને જંગલ ની જાણવણી માટે ધન્યવાદ આપ્યો હતો આ સભામાં મહારાષ્ટ્ર પ્રદેશ મહિલા મોરચા નાં ઉપપ્રમુખ સવિતાબેન જયસ્વાલ, ડો. કે. સી. પટેલ, મંગળ ગાંવિત, દસરથભાઈ પવાર, પ્રવાસી કાર્યકર્તા લક્ષમણભાઇ શાહુજી, વિપુલ મહેતા, દુર્ગેશ તિવારી સહીત મોટી સંખ્યામાં મહાનુભાવો, કાર્યકર્તાઓ, સમર્થકો ઉપસ્થિત રહ્યા હતા.