ડાંગ જિલ્લામા કલેક્ટર શ્રી મહેશ પટેલના અધ્યક્ષ સ્થાને તમાકુ નિયંત્રણ સ્ટીયરીંગ કમિટીની બેઠક યોજાઇ હતી.
જેમા તમાકુ નિયંત્રણ કાર્યક્રમ અંગે ધુમ્રપાન નિષેધ નિયમભંગ COTPA- 2003 અધિનિયમ અન્વયે તમાકુ નિયંત્રણ ભંગ બદલ કરેલ કેસોની ચર્ચા કરવામા આવી હતી. આ બેઠકમા કલેક્ટર શ્રી મહેશ પટેલે ડાંગ જિલ્લામા COTPA – 2003 અધિનિયમ અંતર્ગત તમાકુ નિયંત્રણ માટે સંબધિત અધિકારી/કર્મચારીઓને કાયદાનુ ચુસ્તપણે પાલન કરવા માટે સુચન કર્યુ હતુ. તેમજ તમામ સરકારી કચેરીઓમા ધુમ્રપાન નિષેધના સુચક પોસ્ટર લગાવવા સુચન કર્યુ હતુ. સાથે જ કલમ-6(બ) શૈક્ષણિક સંસ્થાના 100 વારની ત્રિજ્યામા તમાકુનુ વેચાણ ન થાય, જેથી ટોબેકો ફ્રી સ્કુલ કરી શકાય તે અંગે ચર્ચા કરી હતી.
ઇ.ચા. રોગચાળા નિયંત્રણ અધિકારીશ્રી ડો.દીલીપ શર્મા દ્વ્રારા તમાકુ નિયંત્રણ COTPA-2003 અધિનિયમ અંતર્ગત ભારતમાં તમાકુ નિયંત્રણ માટેનો કાયદા વિશે માહિતી આપવામા આવી હતી. તેમજ તમાકુ નિયંત્રણ COTPA-2003 અધિનિયમ ના ભંગ બદલ થતો દંડ અને સજા અંગેની ચર્ચા કરવામા આવી હતી. શ્રી ડો.દીલીપ શર્માએ જણાવ્યુ હતુ કે, તમાકુ નિયંત્રણ કાર્યક્રમ અંગે ધુમ્રપાન નિષેધ નિયમભંગ COTPA-2003 અધિનિયમ અન્વયે તમાકુ નિયંત્રણ ભંગ બદલ જિલ્લામા કુલ 52 કેસો કરવામા આવ્યા છે. જેમા કલમ -6(બ) 21 કેસો, કલમ-4 31 કેસો કરી રૂપિયા 9400ની વસુલાત કરવામા આવી હતી. ભારતીય સંસદે સખત તમાકુ નિયંત્રણ ધારો, 18 મી મે 2003ના રોજ પસાર કર્યો, અને 1 લી મે, 2004 થી અમલમા આવ્યો. સિગારેટ અને અન્ય તમાકુ ઉત્પાદન એક્ટ–2003 COTPA–2003 ઓળખાય છે. જેમા કલમ–4 જાહેર સ્થળે ધુમ્રપાન કરવા અંગે પ્રતિબંધ, કલમ-5 સિગારેટ અને તમાકુની અન્ય બનાવટોની જાહેરાત આપવા પર પ્રતિબંધ, કલમ–6 (અ) સગીર વયની વ્યક્તીને તેમજ (બ) શૈક્ષણિક સંસ્થાઓની વેચાણ કરવા પર પ્રતિબંધ, કલમ–7, 8 અને 9 નિદિષ્ટ આરોગ્ય વિષયક ચેતવણી વિના સિગારેટ અને તમાકુની અન્ય બનાવટોનુ વેચાણ કરવા પર પ્રતિબંધ ફરમાવાયો છે. આ કાયદાના ભંગ બદલ અલગ અલગ દંડ/સજાની જોગવાઇઓ કરવામા આવેલ છે.