જિલ્લામાં આવેલ એસોશીયેશન, હોદ્દેદારો તથા અગ્રગણ્ય ઉદ્યોગકારોને આગામી દિવસોમાં યોજાનાર વાયબ્રન્ટ ગ્લોબલ સમીટ-૨૦૨૨ અન્વયે બેઠક યોજાઇ

મોડાસા જી.આઈ.ડી.સી. ગણેશપુર  ખાતે મોડાસા જી.આઈ.ડી.સી એસોશીયેશનના હોદ્દેદારો તથા જિલ્લામાં આવેલ  એસોશીયેશન, હોદ્દેદારો તથા અગ્રગણ્ય ઉદ્યોગકારોને  આગામી દિવસોમાં યોજાનાર વાયબ્રન્ટ ગ્લોબલ સમીટ-૨૦૨૨  અન્વયે આસીસ્ટન્ટ કમિશ્નર અને જનરલ મેનેજર શ્રી ડી.ડી.સોલંકીના અધ્યક્ષ સ્થાને  જિલ્લા ઉદ્યોગ કેન્દ્ર દ્વારા વાયબ્રન્ટ ગુજરાત ગ્લોબલ સમીટ -૨૦૨૨ અન્વયે જરૂરી પ્રેઝન્ટેશન દ્વારા ઈવેન્ટમાં થનાર કાર્યક્રમની  જાણકારી આપવામાં આવી હતી તથા વાયબ્રન્ટ ગુજરાત સમીટમાં ઓનલાઈન રજીસ્ટ્રેશન કરવા તથા ભાગ લેવા માટે અનુરોધ કરવામાં આવેલ હતો. આ કાર્યક્રમમાં જિલ્લામાં આવેલ  ઈન્ડસ્ટ્રીયલ એસોશીયેશનના  હોદ્દેદારો તથા અગ્રગણ્ય ઉદ્યોગકારો ઉપસ્થિત રહયા હતા.    કાર્યક્રમના અંતે પ્રશાંત જોષી,સેક્રેટરી,મોડાસા ઈન્ડસ્ટ્રીયલ એસોસીયેશન દ્વારા આભાર વિધી કરવામાં આવેલ હતી.