રાજકોટ શહેરના વોર્ડ નં.૯ માં આવેલ વિશ્વકર્મા સોસાયટી, વિતરાગ સોસાયટી, નેમિનાથ સોસાયટી, તથા દિપક સોસાયટી, ચંદન પાર્ક સોસાયટી, બોમ્બે હાઉસીંગ સોસાયટી સહિતના વિસ્તારોમાં કુલ રૂ.૯૬,૫૭,૦૦૦/- ના ખર્ચે પેવિંગ બ્લોક નાખવાના કામો આજરોજ સ્ટેન્ડીંગ કમિટીની મીટીંગમાં મંજુર કરવામાં આવેલ છે. આ કામો થવાથી આ વિસ્તારના લોકોની સુવિધામાં વધારો થશે. આ કામો મંજુર કરવા બદલ મહાનગરપાલિકાના શાસકોનો વોર્ડ નં.-૯ કોર્પોરેટરશ્રીઓ શ્રીમતી આશાબેન ઉપાધ્યાય, શ્રીમતી દક્ષાબેન વસાણી તેમજ શ્રી જીતુભાઈ કાટોળીયાએ ખુબ ખુબ આભારની લાગણી વ્યકત કરેલ છે.
