દીનદયાળ અંત્યોદય યોજના રાષ્ટ્રીય ગ્રામીણ આજીવિકા મિશન(DAY-NRLM) ગ્રામ વિકાસ વિભાગ દ્વારા ટાઉનહોલ ખાતે “કેશ ક્રેડિટ કેમ્પ” યોજાયો

મહેસાણા
• જિલ્લાના ૧૨૨ જૂથોને રૂપિયા ૩૬.૬૦ લાખનું રીવોલ્વીંગ ફંડ
• જિલ્લાના ૭૪ સ્વસહાય જૂથોને રૂપિયા ૧૦૫ લાખનું કોમ્યુનિટી ઇન્વેસ્ટમેન્ટ ફંડ
• જિલ્લાના ૮૦૦ સ્વસહાય જૂથોને રૂપિયા ૧૨૦૦ લાખની કેશ ક્રેડિટ લોન

  દીનદયાળ અંત્યોદય યોજના રાષ્ટ્રીય ગ્રામીણ આજીવિકા મિશન (DAY-NRLM) ગ્રામ વિકાસ વિભાગ દ્વારા ટાઉનહોલ ખાતે "કેશ ક્રેડિટ કેમ્પ"ને મહેસાણા જિલ્લાના સાંસદ સભ્યશ્રી શ્રીમતી શારદાબેન પટેલ અને અન્ય મહાનુભાવો દ્વારા ખુલ્લો મૂકવામાં આવ્યો હતો. 
   આ પ્રસંગે  મહેસાણાના સાંસદ સભ્યશ્રી શ્રીમતી શારદાબેને જણાવ્યું કે,ડબલ એન્જિનની સરકારે મહિલાઓ સ્વનિર્ભર બને,એમનો સામાજિક-આર્થિક વિકાસ થાય એ માટે બેટી બચાઓ,બેટી પઢાઓ,ઉજ્જવલા યોજના વગેરે જેવી અનેકવિધ યોજનાઓ અમલમાં મૂકી છે. 
   સાંસદશ્રી એ પણ ઉમેર્યું હતું કે,સરકાર દ્વારા મહિલાઓ આગળ આવે એ માટે તેમનું ક્ષમતા નિર્માણ કરવામાં આવી રહ્યું છે.તેમજ ગરીબ મહિલાઓ ભેગી થઈને સખી મંડળની રચના કરીને રીવોલ્વીંગ ફંડ પણ સરકાર પાશેથી મેળવી પગભર બની રહી છે. 
  આ અવસરે મહેસાણા જિલ્લા પંચાયતના પ્રમુખશ્રી પ્રહલાદ પરમારે જણાવ્યું કે,મહિલાઓ આજે પુરુષ સમોવડી બની છે.સખી મંડળ દ્વારા નાનાં-મોટા કર્યો કરીને મહિલાઓનું આર્થિક સશક્તિકરણ થયું છે.મહિલા સશક્તિકરણથી જ ભારતનું સશક્તિરણ થશે. 
  આ પ્રસંગે રાજ્યસભાના સાંસદ સભ્યશ્રી જુગલજી ઠાકોરે જણાવ્યું કે,આજે ગ્રામીણ મહિલાઓ સમૃદ્ધ બની રહી છે.મહિલાઓ સશકત થવાથી તેમનો સામાજિક-આર્થિક વિકાસ થયો છે પરિણામે તેમનો પરિવાર મજબૂત થયો છે.આમ મહિલા સશક્ત થવાથી પરિવાર સશક્ત બનશે અને અંતે રાષ્ટ્ર મજબૂત થશે.   
  આ વેળાએ સર્વે ધારસભ્યશ્રીઓ કરશનભાઇ સોલંકી,કે.કે.પટેલ,મુકેશ પટેલ,સરદારજી ચૌધરી,ઈંચાર્જ કલેક્ટરશ્રી ડૉ. ઓમ પ્રકાશ,જિલ્લા ગ્રામ વિકાસ એજન્સીના નિયામકશ્રી એચ.એમ.ચાવડા,લાભાર્થી મહિલાઓ વગેરે હાજર રહ્યા હતા.

રિપોર્ટ.. ડેવિડ પટેલ