ઇકબાલ મેમણ
સાબરકાંઠા જિલ્લાના હિંમતનગર નગરપાલિકા દ્વારા ગાંધી ટાઉનહોલ ખાતે સ્વચ્છતા હી સેવા કાર્યક્રમ અંતર્ગત સફાઈ કોન્ટ્રાક્ટરોનું સન્માન કાર્યક્રમ ધારાસભ્ય શ્રી વી ડી ઝાલાની અધ્યક્ષતામાં યોજાયો હતો.
આ કાર્યક્રમમાં હિંમતનગર નગરપાલિકા “સ્વચ્છતા હી સેવા” કાર્યક્રમ અંતર્ગત નામાંકીત કોન્ટ્રાકટરોની જનભાગીદારીથી મેગા સફાઈ ઝુંબેશ સન્માન સમારોહ તથા વાણિજય એકમો માટે ડસ્ટબિન વિતરણ કાર્યક્રમ યોજાયો હતો.
આ પ્રસંગે ધારાસભ્ય શ્રી વી. ડી. ઝાલા એ જણાવ્યું હતું કે, વડાપ્રધાન શ્રી નરેન્દ્ર ભાઈ મોદીએ સ્વચ્છ ભારત મિશન ઝુંબેશ શરૂ કરી છે. આ ઝુંબેશમાં દરેક શહેર નગર ગામની સ્વચ્છ બનાવવાની નેમ લઈ બે મહિના સુધી સ્વચ્છતા અભિયાન ચલાવવામાં આવશે.
આ અભિયાનની સફળ બનાવવા અને હિંમતનગર સ્વચ્છ રાખવા તમામ નગરજનો સહભાગી થઈ પોતાની આસપાસ સ્વચ્છતા જાળવી અને સ્વચ્છતાની પોતાનો જીવનક્રમ બનાવે તેવી અપીલ કરી હતી.
આ પ્રસંગે દિવ દમણ પ્રશાસકશ્રી પ્રફુલભાઇ પટેલ દ્વારા મોકલાવવામાં આવેલ ૫૦૦૦ ડસ્ટબીનનું વિનામૂલ્ય વિતરણ કરવામાં આવ્યું હતું.
આ કાર્યક્રમમાં જિલ્લા સમાહર્તા શ્રી નૈમેશ દવે, નગરપાલિકા પ્રમુખશ્રી વિમલભાઈ ઉપાધ્યાય, નગરપાલિકા ચીફ ઓફિસર શ્રી અલ્પેશભાઈ પટેલ, શહેર અગ્રણી શ્રી સિદ્ધાર્થભાઈ પટેલ ગોપાલસિંહ તેમજ સફાઈ કોન્ટ્રાક્ટરો અને દુકાનદારો ઉપસ્થિત રહ્યા હતા.
****