બીના પટેલ આણંદ
‘પ્રિ-વાઇબ્રન્ટ-૨૦૨૩’ કાર્યક્રમના સુચારૂ આયોજન અર્થે જિલ્લા કલેક્ટરશ્રી પ્રવીણ ચૌધરીના અધ્યક્ષસ્થાને બેઠક મળી
આણંદ ખાતે આગામી તા. ૭ ડિસેમ્બરના રોજ સરદાર પટેલ ઓડીટોરીયમ હોલ, અમુલ ડેરી, આણંદ ખાતે ‘પ્રિ-વાઇબ્રન્ટ-૨૦૨૩’ કાર્યક્રમ યોજાનાર છે. આ કાર્યક્રમના સુચારૂ આયોજન અર્થે જિલ્લા કલેક્ટરશ્રી પ્રવીણ ચૌધરીના અધ્યક્ષસ્થાને બેઠક મળી હતી.
આ બેઠકમાં જિલ્લા કલેક્ટરશ્રીએ સંબંધિત અધિકારીઓને સોંપવામાં આવેલ કામગીરી બાબતે આયોજનબધ્ધ કાર્ય કરવાનું સુચવીને કાર્યક્રમના સુચારૂ આયોજન અને તેના અમલીકરણ અર્થે જરૂરી માર્ગદર્શન પુરૂ પાડ્યું હતું.
આ તકે નિવાસી અધિક કલેકટરશ્રી આર.એસ.દેસાઈએ સંબંધિત અધિકારીઓને સોંપવામાં આવેલ કામગીરી બાબતે વિસ્તૃત માર્ગદર્શન આપ્યું હતું.
આ બેઠકમાં જિલ્લા વિકાસ અધિકારીશ્રી મિલિંદ બાપના, જિલ્લા પોલીસ અધિક્ષકશ્રી પ્રવીણકુમાર, પ્રાંત અધિકારીશ્રી વિમલ બારોટ, અમુલ ડેરીના પ્રતિનિધિશ્રીઓ તથા કૃષિ વિભાગના અધિકારીઓ સહિત સંબંધિત અધિકારીઓ ઉપસ્થિત રહ્યા હતા.
