ઉનાના વિકાસમાં વધુ એક સિમાચિહ્ન: 1.31 કરોડના સી.સી. રોડનું ખાતમુહૂર્ત અને 95 લાખના બગીચાનું લોકાર્પણ સંપન્ન
ઉના શહેર અને તાલુકાના સર્વાંગી વિકાસ માટે સતત કટિબદ્ધ એવા ઉનાના વિકાસશીલ ધારાસભ્યશ્રી કે.સી. રાઠોડ (કાળુભાઈ રાઠોડ) ના નેતૃત્વમાં આજે ઉના નગરપાલિકા વિસ્તારમાં બે મહત્વપૂર્ણ વિકાસકાર્યોનું લોકાર્પણ અને ખાતમુહૂર્ત કરવામાં આવ્યું.
કયા કામોનું લોકાર્પણ થયું?
1. વોર્ડ નં. 5 – ભીમપરા વિસ્તારમાં સી.સી. રોડનું ખાતમુહૂર્ત:
ભીમપરા વિસ્તારમાં આવેલ રેલ્વે ફાટકથી પાલેશ્વર મંદિર સુધી રૂ. 1 કરોડ 31 લાખના ખર્ચે નિર્માણ થનાર અત્યાધુનિક સી.સી. રોડનું ખાતમુહૂર્ત કરવામાં આવ્યું. આ રોડ બનવાથી સ્થાનિક રહીશોની વર્ષો જૂની માંગણી પૂર્ણ થશે અને અવર-જવરમાં સરળતા રહેશે.
2. વોર્ડ નં. 4 – તુલસીધામ સોસાયટીમાં બગીચાનું લોકાર્પણ:
તુલસીધામ સોસાયટી વિસ્તારમાં રૂ. 95 લાખના ખર્ચે નિર્માણ પામેલ અત્યાધુનિક અને સુંદર બગીચાનું લોકાર્પણ કરવામાં આવ્યું. આ બગીચો વિસ્તારના બાળકો, વડીલો અને પરિવારો માટે આરોગ્ય અને મનોરંજનનું કેન્દ્ર બનશે.
આ બંને વિકાસકાર્યોનું ખાતમુહૂર્ત અને લોકાર્પણ ઉનાના લોકપ્રિય ધારાસભ્યશ્રી કાળુભાઈ રાઠોડ તેમજ ઉના નગરપાલિકાના પ્રમુખશ્રી હર્ષાબેન ભોળુભાઈ રાઠોડના વરદ હસ્તે સંપન્ન કરવામાં આવ્યું.પ્રસંગે ધારાસભ્યશ્રી કે.સી. રાઠોડે જણાવ્યું હતું કે, “ઉના શહેર-તાલુકાના વિકાસ માટે અમે સતત કટિબદ્ધ છીએ. નગરજનોને પાયાની સુવિધાઓ જેવી કે રોડ, પાણી, બગીચા અને લાઈટ ઝડપથી મળી રહે તે અમારી પ્રાથમિકતા છે.”આ કાર્યક્રમમાં જિલ્લા અને તાલુકા સંગઠનના હોદ્દેદારશ્રીઓ, ઉના નગરપાલિકાના સદસ્યશ્રીઓ, વિસ્તારના આગેવાનો, કાર્યકર્તાઓ અને મોટી સંખ્યામાં નગરજનો ઉપસ્થિત રહ્યા હતા. વિકાસકાર્યોના લોકાર્પણથી સમગ્ર વિસ્તારમાં આનંદ અને ઉત્સાહનો માહોલ જોવા મળ્યો હતો.
