રિપોર્ટ, મયુર પટેલ
ગુજરાત રાજ્ય વાહનવ્યવહાર નિગમ દ્વારા માંડવી ડેપોને ફાળવવામાં આવેલી માંડવીથી અમદાવાદ રૂટની નવી એસ.ટી બસને સાંસદશ્રી પ્રભુભાઈ વસાવાએ માંડવી બસ સ્ટેન્ડ ખાતેથી લીલી ઝંડી આપીને પ્રસ્થાન કરાવ્યુ હતું. સાંસદશ્રીએ બસમાં મુસાફરી કરી અને મુસાફરોને શુભકામના પાઠવી હતી. આ પ્રસંગે માંડવી નગર અને તાલુકા સંગઠનના હોદ્દેદારો, કાર્યકર્તાઓ, સ્થાનિક આગેવાનો નગરજનો ઉપસ્થિત રહ્યા હતા. આ નવી બસ સુવિધાથી માંડવી તેમજ આસપાસના ગામોના નાગરિકોને અમદાવાદ જવા માટે નવી પરિવહન સુવિધાનો વિકલ્પ મળ્યો છે.
