કલેક્ટર કચેરી ખાતે આઈ.સી.ડી.એસ. વિભાગની જિલ્લા કક્ષાની ત્રિમાસિક બેઠક યોજાઈ
*જામનગર (ભરત ભોગાયતા),
જામનગર જિલ્લા કલેક્ટરશ્રી બી.એ.શાહના અધ્યક્ષસ્થાને કલેકટર કચેરીના સભાખંડમાં જિલ્લા આઈ.સી.ડી.એસ. વિભાગની ડીસ્ટ્રીક્ટ લેવલ મોનીટરીંગ અને રીવ્યુ કમિટીની ત્રિમાસિક બેઠક યોજાઈ હતી. આ બેઠકમાં કલેક્ટરશ્રી અને સમિતિના અન્ય સદસ્યોએ જિલ્લા આઈ.સી.ડી.એસ. વિભાગની યોજનાકીય કામગીરી, કુપોષિત માતા/ બાળકોનાં પોષણ સ્તરમાં સુધારો લાવવો, મુખ્યમંત્રી માતૃશક્તિ યોજનાની કામગીરી, ડ્રોપઆઉટ કિશોરીઓનો શાળામાં પુનઃ પ્રવેશ કરાવવો, કિશોરીઓની આરોગ્ય તપાસ, સ્વચ્છતા કેમ્પેઈન, પોષણ ટ્રેકર એપ્લીકેશનમાં નિયમિતપણે રીપોર્ટીંગ કરાવવું, આંગણવાડી કેન્દ્રોમાં પોષણ વાટિકાનું નિર્માણ કરાવવું તેમજ અન્ય વિભાગો સાથે સંકલનમાં રહીને કરવાની કામગીરી જેવા વિવિધ મુદાઓ અંગે સમીક્ષા કરવામાં આવી હતી.
ઉક્ત બેઠકમાં જિલ્લા વિકાસ અધિકારીશ્રી વિક્લ્પ ભારદ્વાજ, નિવાસી અધિક કલેકટરશ્રી બી.એન.ખેર, મુખ્ય જિલ્લા આરોગ્ય અધિકારીશ્રી ડો.હારુન ભાયા, જિલ્લા આઈ.સી. ડી.એસ. પ્રોગ્રામ ઓફિસર સુશ્રી બિનલ સુથાર તથા સમિતિના અન્ય અધિકારીશ્રીઓ અને આઈ.સી.ડી.એસ. વિભાગના કર્મચારીશ્રીઓ ઉપસ્થિત રહ્યા હતા.
